الثوره خلتني سعيده وعايزه اكتب سواء حد قرأ او لم يقرأ احد.. لأني شعرت بوجودي .. اه بقول سعيده لاني ست مش راجل.. وعلى فكره في رأيي ده كان مفقوس اوي في طريقة كلامي .. لكن مش مهم انا اصلا محدش بيقرالي عشان يميز..
المشاعر دلوقتي بالنسبه لي متضاربه.. ما بين الحزن والالم والفخر والتفائل والحزن والبكاء يبكيني الشهداء وسؤال لماذا ماتوا وبيد من قتلوا ويبكيني استهتار الناس بدمائهم.. يؤسفني الكذب .. يحبطني كثيرا وللاسف هم كثيرون وهم اعدائى الاوائل من كان مع الثوره ولكنه يئس وقال يكفي ذلك.. مفيش فايه
ويدب في قلبي الحياه من قال مفيش فايده لازم ننضف كل حاجه بأيدينا واستعنا عالشقا بالله .. والان ماذا بعد.. سؤال مخيف بالنسبه لي .. فنحن في نقطة الا عوده .. ولذلك اري انه"مهو يالأمل يامفيش بديل" معنديش كلام منظم عندي كلام ملخبط في قلبي .. وهو :عزيزي البائس المحبط انصرف ..وابتعد بطاقتك السلبيه عني .. فأنا اريد وطن اريد ان أحلم به بلا حدود اريد ان استمتع بالحلم الذي طالما تمنيت ان احظي به.. فالحلم والطاقه الايجابيه وعدم اليأس هم خطواتنا الاولي علي الطريق
طريق جائز ان اخطئ وانا آخذه جائز اسئ الظن والاختيار جائز.. ولكني سأتعلم وأتعثر وأقف .. حتى اقف حتى اكون
No comments:
Post a Comment