غيروا اسم امن الدوله وهيسموا عزيزه

قال ايه منقدرش نستغنى عن الخبرات القديمه
وقال ايه اكتر ناس هتفرح بقرار حل امن الدوله هما ظباط امن الدوله نفسهم...
وقال ايه ياضينايا كانوا مثقلين بأعباء وتكليفات الحكم... اصلهم كانوا بيعذبوهم ويخطفوا عيالهم عشان يعذبوا الناس ويخطفوهم تحت الارض.... كانوا مضطرين ياعيني   ياكبدي..... واحنا اشرار وعايزين نقطع عيشهم.....
طيب بلاش دي... في مسئول تاني قال كلام تاني.... قال انهم مش هيحطوا في الجهاز الجديد الناس القدام.. حلو؟ وهيجيبوا ناس كفء من اماكن نضيفه.. حلو؟؟
واسمعوا دي... وهيسرحوا الضباط القدام علي مختلف اجهزة الامن في الدوله....
هيسرحوا التعابين علينا ياولاااااااااد..... هيخربوا بقيت اجهزة الدوله الي اصلا عايزه اعادة هيكله.....
الي انا افهمه ان الناس دي اتعودت على التعذيب والتجسس ومش هتنفع تاني يسيبونا في حالنا ويشوفولهم شغلانه شريفه بعيد عننا احنا مش ناقصين....
ايه العمل؟؟